رفيف الحافظ مشرفة متميزة
العمر : 42 عدد المساهمات : 105 وين السكن : كركوك شنو الشغل : اعلامية شلونه المزاج : عال العال تاريخ التسجيل : 2008-12-22 التقييم : 1
| Subject: دوس اعلى الورد 6/5/2009, 16:08 | |
| قصيدة الشاعر العملاق ناظم الحاشي
نتمنى ان تنال رضاكم
دوس اعله الورد....
كام الورد ينداس ...
بس عطر الورد ماتكدر اتدوسه
يصح واحد ...
جريمه اعله الوجه ينباس
اواحد بالرجل ..يستاهل اتبوسه
يالعندك شمس ..
لازم يجيلك ليل ..
ويجبرك غصب تحتاج فانوسه
لتأمن زمان ..
العلم الطاووس..
يتبختر..اوهلس ريش طاووسه
ياتابوت ميت ...
ما تشيله جفوف ..
حتى نكول مات .وشالته فلوسه
فك سجن البلابل ...
يازمان الخوف ...
ليش ابلاذنب ..عالصوت محبوسه
لا تعبد صنم ...
وتشوف بيه فرعون..
واتلم الحيايه ..وتنتظر موسى
او لتخدر الورد..
من شتلة الكمون...
والشتلة الخبيثه..بصفها مغروسه
اولتلوم النهر ...
لوم اليناوش ماي ...
من تعطش كباله...وماترس طوسه
ليصيبك عجب ...
يالعصبر منفوس..
الموته ابهل الزمن.. عالموت منفوسه
بالك لا تشم ..
ريحه ورد مشموم ..
وجلدك لا تلبسه ..هدوم ملبوسه
ولتكلي العمر ...
يستاهل احنه نعيش..
والواكف يلوج..الطاح بضروسه
موت بيا زمن ..
مو مشكله منتموت..
بس اترك اثر ..وافعال ملموسه
دك عمره...
المسيح ابخشبه الكتال
حتى الناس ..تسمع صوت ناقوسه
نام ابلا خبز ..
خليك ميت جوع...
ما فرغت بطن...والعين متروسه | |
|
حور العضو المميز في المنتدى
العمر : 39 عدد المساهمات : 3305 وين السكن : في ثنايا الروح شنو الشغل : التصميم شلونه المزاج : متعدد تاريخ التسجيل : 2008-12-31 التقييم : 8
| Subject: Re: دوس اعلى الورد 6/5/2009, 18:18 | |
| أبيات غاية في الروعة والجمال عاشت الايادي اختي الغالية روعه وربي نقل مميز ننتظر منك المزيد من الابداع
| |
|
عبدالله العامري مسولفجي جديد صاحب افضل موضوع
العمر : 38 عدد المساهمات : 262 وين السكن : كركوك شنو الشغل : محرر ومذيع أخبار في راديو نوا شلونه المزاج : حسب الظروف تاريخ التسجيل : 2009-03-05 التقييم : 1
| Subject: Re: دوس اعلى الورد 6/5/2009, 21:25 | |
| لا تعبد صنم ... وتشوف بيه فرعون.. واتلم الحيايه ..وتنتظر موسى ما هذا الجمال البديع الذي أقرأه إنها أبيات في غاية الروعة شكرا رفيف على القصيدة الممتعة. | |
|