ابوذياااااااااات لعيونكم
دورت عليك بالعرب والاكراد
وكلبي ماراد غيرك والك راد
ليش صافن ولك احجي ولك رد
مو صفنتك شعلت النيران بية…
قصدت حبيبي بيوم بجاي
واحبك من جنت بالنهد بجاي
اشربك لو صرت سم بالجاي
لان بس انت حبي والباقي اذية…
ولك حبيبي بحبة سبانة
ويسبني وماكدر اسبة انة
فتح براغي كلبي بسبانة
وسكن كلبي وماعاف شي الية…
بيك اشتغل رب الكون شفتين
ومن رمان الجنة خلق شفتين
فتن بيك البشر وتكول شفتن؟
ولك جمالك فتنة طائفية...
احبك من كلب ولسان ينسام
وجمالك بالذهب والمال ينسام
انة بسمك اريد الكلب ينسم
لان اسمك يرد عافيتي الية...
هام العقل من شوكك وجن بيك
وشبيه القمر من يضون وجن بيك
ابوسك لو يحبسوني ويجن بيك
ااوامر من وزير الداخلية...
حزن دنياي تمطر ماصحتلي
وردت فرصة اشوفك ماصحتلي
وكفت كبال عيني ماصحتلي
صحتلك مادرت وجهك علية...
عشكتك من صغر سنك ويهلك
اليحبك ليش يتعذب ويهلك
اغار اعليك من تمشي وية اهلك
لكن وية بنات الكلية شلون بية...
وحق عيسى ابن مريم وربي
اتعب بس لجل حبك وربي
صار سنين اداريك واربي
صرت وردة ويشح عطرك علية...
ازيدك بالجمع وتصير ناقص
يفيض اعليك نهري وانت ناقص
مثلك بالبشر ماشفت ناقص
نذل بذات واطباعك ردية...
.