al-emerald المشرف المميز في المنتدى
العمر : 37 عدد المساهمات : 2553 وين السكن : دهوك شنو الشغل : طالب جامعي شلونه المزاج : جيد تاريخ التسجيل : 2008-09-27 التقييم : 1
| Subject: سحرت العين 10/7/2009, 02:37 | |
| اهداء الى من احتل قلبي ولم يضع سقفا زمنيا للخروج
قصيده سحرت العين
سحرت العين لمن صدت اعليك وصفة الدلال الك اجمل حديقة جمالك زاد عما هوة مألوف وكلبي بشوفتك تيه طريقة شهكت بشوفتك متعجب اهواي ومكفاني النفس خلص شهيقة! صمدت اجم دقيقة وذبت بهواك موزين اصمدتلي اجم دقيقة؟! الحلو لو يعترف بي لازم يجيب منك كون تأييد او وثيقة. وردة شفافك ونحلة انة جوعان والنحل عايش علة الورد ورحيقة. اذا حبك جذب كلي الصدك وين؟ يصير الدنية تطلع مو حقيقة؟!
ردت اهواك بس خايف من الموت لأن كلمن يحبك مات بهواك, وردت انساك بس أهونلي الموت لأن مشلول آنة اصبح بلياك. مناسيك السمع منك كلمتين! والدورة اليشوف تريدة ينساك؟؟!! جهاز العمر بيدك دوس شتدوس ودكمة كلبي هاي اللي اعلة يمناك. مثل منكوب بهلة وربعة شمات. هيجي يصير حالي بيوم فركاك. احبك مو كلام يمر علة لسان احبك يعني بالدم صار ممشاك من كد ما عشكتك كلبي فد يوم غافلني وطلع يتمشة وياك!
حلو كلش حلاتك تسحن الروح جبت حنضل اقلل بي حلاتك, وقوي طعم المرورة يصيطر بساع لجن حنضلتي اخذت من صفاتك! يهل شايل بياض يصفن الناس شمس يمكن مشايف كل حياتك انة حاير اذا تتزوج اشلون؟ اذا بلوة انتة شيطلعن بناتك؟؟؟!!! مصيبة العين ورموشك والخدود اظن حاسوب ميعد معجزاتك! زرعت بكاع روحي الحب والاشواق ومنجل كلبي ذاب بسنبلاتك. قناة انتة وتبث ابأعذب احساس واظن محتاجة برنامج قناتك.
اتمنى ان تنال رضاكم للشاعر محمد التميمي
| |
|
nasser المشرف العام
العمر : 45 عدد المساهمات : 4812 وين السكن : العراق شنو الشغل : مدرس رياضة شلونه المزاج : زين تاريخ التسجيل : 2008-10-22 التقييم : 8
| Subject: Re: سحرت العين 10/7/2009, 02:59 | |
| حمودي الوردة الله الله صح السانك طبعا يعجبنا اذا كل هذا الكلام الجميل والرومانسي مشكور على هذا الذوق يا شاعرنا الوردة تقبل مروري وتحياتي
| |
|
al-emerald المشرف المميز في المنتدى
العمر : 37 عدد المساهمات : 2553 وين السكن : دهوك شنو الشغل : طالب جامعي شلونه المزاج : جيد تاريخ التسجيل : 2008-09-27 التقييم : 1
| Subject: Re: سحرت العين 11/7/2009, 01:41 | |
| نورت الصفحة حبيبي الغالي ناصر يسعدني وجودك دائما تحياتي الك
| |
|