راديو نوا - اذاعة نوى - اذاعة نوى
الرجاء التسجيل في الموقع الجديد للمنتدى على الرابط التالي:
http://swalefnalhelwa.com/vb/

((ســوالفنة الـحـلـوة))
احــــــلـى الســوالــف


راديو نوا - اذاعة نوى - اذاعة نوا - راديو دجلة
 
HomeRegisterLog inتسجيل
تم الانتقال الى الموقع الجديد التالي
http://swalefnalhelwa.com/vb/

 الرجاء التسجيل
رشح نفسك لتكون مشرفا  عدد الضغطات  : 42 Cihan University Group  عدد الضغطات  : 47 كروب جامعة دجلة- اربيل  عدد الضغطات  : 24 دردشة سوالفنة الحلوة  عدد الضغطات  : 80

Share | 
 

 اطوار الابوذية

Go down 
AuthorMessage
رفيف الحافظ
مشرفة متميزة
مشرفة متميزة
avatar

Female
العمر : 36
عدد المساهمات : 105
وين السكن : كركوك
شنو الشغل : اعلامية
شلونه المزاج : عال العال
تاريخ التسجيل : 2008-12-22
التقييم : 1

PostSubject: اطوار الابوذية   7/4/2009, 02:35



أطوار الابوذية
الطور يعني الطريقة التي يؤدى بها الغناء والإسلوب الذي يعتمده المغني و الأطوار كثيرة و لكل منها إٍسلوبها و مسارها اللحني و تختلف بالقفلات و المسارات والإنعطافات اللحنية و حتي التسليم و لقد أدرجنا الأطوار المشهوره في عالم الأبوذية و تركنا الكثير من الأطوار الأخرى لأسباب مثل انها غير مشهوره أو لايوجد من يغنيها أو حتي تكون منقرضة ولا يوجد أي تسجيل لها يؤكدها.

طور الحياوي نسبة الى مدينة الحي
طور الشطراوي نسبة الى مدينة الشطرة
طور المجراوي نسبة الى منطقة المجرة
طور الصنداقي نسبة الى منطقة المصندق
طور البحراني نسبة الى منطفة البحرين
طور القزويني نسبة الى السادة آل قزوين
طور الطريحي نسبة الى آل الطريحي النجفية
طورالغافلي نسبة الى أسرة آل غافل
طور السويطي نسبة الى عشيرة السويطات
طور الحليوي نسبة الى عشيرة أبوحليو الغجرية
طور الأميري نسبة الى ما مدح به أمير ربيعة
طور العراكي نسبة الى عشيرة العراكات
طور الجادري نسبة الى الملا جادر
طور الزايري نسبة الى الحاج زاير
طور الطويرجاوي نسبة الى عبدالأمير الطويرجاوي
طور المشمومي نسبة الى الأخوين سعود و محمد المشموم
طور العياش نسبة الى محمد العياش
طور الحميدي نسبة الى الشيخ حميد المحتصر
طور المحبوب نسبة الى محبوب العبد
طور الجبهاني نسبة الى جبهان الركابي
طور العنيسي نسبة الى ملا عنيسي البصراوي
طور النوري نسبة الى سيد محمد النوري
طور الصبي نسبة الى طائفة الصبي
طور اللامي نسبة الى نغم اللامي
طور المنصوري نسبة الى مقام منصورى على نغم الصبا
طور الدشت نسبة الى مقام الدشت على نغم الحسيني
طور الحويزي نسبةالى مقام الحويزاوي
طور الملاحي و السفاني نسبةالى مهنة الملاحة و السفانة
طور الملائي نسبة الى الملالي و المقرئين
طور النواعي أو النعي نسبة الى الندابة


انواع الابوذية

المطلق و المولد
هاتان التسميتان هما لنمط واحد من الشعر و هو النمط التقليدي للأبوذية و لكن يكمن الفرق بأن الأبوذية المطلق تأتي من فكر الشاعر و إحساسه كما في هذه الأبوذية
تشوف همومي بعيونك و ترها
وتغيب و تقطع بروحي وترها
يرهيك الوقت يسمر وترها
وتصير إنت أبو الراهي عليه

أما الأبوذية المولد فيكتبها الشاعر مستعينا بخيال غيره من شعراء الفصحى و ذلك بأن يبدأ الأبوذية ببيت أو بيتين من الشعر الفصيح ومن ثم يبني عليهم أبوذيته كما في المثال التالي
يقولون لثم الغانيات محرم و سفك دماء العاشقين مباح
لابد من حي الحبيب زيارة ولو ركزت حول الخيام رماح
روحي برشف خدك من عداها
أحب وصلك وهابك من عداها
فراقك يوم أحمله من عداها
أزورك لو تصير أحزاب اليه


الأبوذية المشط
هي مجموعة من الأبوذيات المتصلة المترابطة و كل ثلاثة اشطر تليها ثلاثة أشطر أخرى أما الشطر الرابع المكمل للأبوذية فهو يأتي في نهاية المطاف بعد أربع أو خمس أبيات و أكثر كما في هذا المثال

الدهر ياصاح بالفرقة ولانه
ولانوبه إنكسر قلبي ولانه
لاإنت عرفت الحب ولانه
نسينا الشوق وأخلفنا وعدنا
وعلى الهجران ردينا وعدنا
هذا من الوقت و الحب وعدنا
يفر بيه الوقت نوبة وفربيه
ومن ثلج العمر دربي وفر بيه
أشرد وين أنا بقلبي وفر بيه
بدرب مسدود ومتيه محله
دموعي جم ذنب قلبك محله
بعد طير بضباب أبدا محله
ولاظن بعد نتلاقه سويه


الأبوذية المدوره
يطلق على الابوذيه بالمدوره عندما يكون المعني بالشطر الثالث غير واضح و مبتور فيكمله البيت الرابع كما في المثال الآتي
عقلي ياترف حبك وجن بك
من الجوري يامحبوبي وجن بك
إجيت إنت على وعدك وجن بك
ليالي الفرح وأيامي زهية


التطريز بالأبوذية
فن التطريز فن قديم تواجد في الشعر العربي الكلاسيكي و تواصل إلى الأبوذية و يقصد منه بأن يبدأ جميع الأشطر بأحرف إسم معين كإسم الحبيبة أو الصديق أو ماشابه ذلك كما في هذا المثال المطرز بإسم زينب
ز - زهرة بغصن عمري تفوح بتنا
ي - ياصوره على وسادة فرح بتنا
ن - نغم رافك بتوت القلب بتنا
ب - بشاير فرح منها تهل عليه


نماذج من الابوذية

طور المجراوي
دنيف متيمك مايوم بسم
مغذيني ياساهي العين بسم
من وجدك غديت أنلظم بسم
بدسم الخياط إيضيج بيه

طور الصنداقي * من الأطوار القديمة
يناهي لاتشد بالراس وبره
تظن منك دليلي يسل وبره
أنا جم دوب أكد للظعن وبره
الظعن و أهل الظعن شحوا عليه

طور السرحاني
وحق الي تعبده الناس منشاف
الدمع من يومكم لليوم منشاف
الف ياحيف شفي إنقطع منشاف
بعد هيهات جمعتنا سوية

طور الصبي
سروا و أنووا ظعنهم وين يردون
ظمايه ومن دموع العين يردون
لون أهلك حبيبي عبد يردون
رضيت إن جان يرضون بية

طور الطويرجاوي
بجيت وزادن جروحي ولاماي
علي الماطال الي وياهم ولاماي
لاهو دم دمع عيني ولاماي
لكن روحي تذوب وتسح هية

طور الدشت
طيب وماي دهن الورد منهل
عرقه و خجل من البدر منهل
أحبك يانديمي أنا منهل
الله ولاتظن ظنة ردية
طور المشموم
لوعني زماني انحلت كليت
وعلى روحي غضى ضويت و كليت
بجيت و دم دموع العين كليت
على خلي السكن بالناصرية

طور المحبوب
وحق عقد الولاية ون باه
جمع أعضاي صارت ون باه
ياحادي ضعون ولفي ون باه
نريد وياه نترافق سوية

طور حياوي
سهرت الليل بودادك و حييت
و قلت مرحبه بطارشكم و حييت
يامطرب طفت بالكعبة و حييت
إذا جايب حبيبي وياك إليه

طور الشطراوي
من منكم علي نشد من سال
جفيتوا و بجفاكم صوت من سال
شعندي غير دمع العين من سال
إخفف بيه مصار الصار بيه

طور الشطيت
يلوم المادرى بروحي شمرها
مايدري الدهر عن ودهم شمرها
ليالي فراقهم والله شمرها
أمر من المنازع بالمنية

طور اللامي
علامه الدهر شتتنا و طرنا
عقب ذاك الطرب بالهم وطرنا
الف ياحيف مقضينه وطرنا
وليالي الي مضت متعود ليه

طور الجادري
تأمل كون ملحوظة و حفظه
بيابي العين أظمنه و حفظه
يهل ماشي بمان الله وحفظه
يحرسك و بسلامة تعود ليه

طور المثكل
علي جيش الهوى صور حربلاك
وجفني ماغمض ساعة حربلاك
انت عين الشمس وأنا حربلاك
صرت وأهل الهوى قايست بية

طور الملائي *البغدادي
نجم حسن الترف عقلي أخله
ظهر لهل المحاسن ضي أخله
بجمالة لاتظن يوجد أخله
ولاولدت شبية أم البرية

طور السويطي
نحت بفنون الخمسة ولكفان
رسمت أمثال من زهيك ولكفان
أضل بهواك للوزره ولكفان
إعذرني لو صرت حدر الوطية



Back to top Go down
al-emerald
المشرف المميز في المنتدى
المشرف المميز في المنتدى


Male
العمر : 31
عدد المساهمات : 2553
وين السكن : دهوك
شنو الشغل : طالب جامعي
شلونه المزاج : جيد
تاريخ التسجيل : 2008-09-27
التقييم : 1

PostSubject: Re: اطوار الابوذية   7/4/2009, 02:55



جمع ربك غزالة وي نمر بيك

وادور وين شهدك وينه مر بيك

مر بيه تقلي واشلون امر بيك

امر اشلون بيك وانته بيه



تحياتي الك ست رفيف

وشكرا عالمعلومات المفيدة

تحياتي

_________________
ترقبوووووو افتتاح الموقع الجديد ل

منتدى سوالفنه الحلوة


مطلوب ترشيح اعضاء ل:

1-كرسي الاعتراف

2- يومين من حياة عضو

3-منو كدك المايك بايدك

4-العضو المجهول
Back to top Go down
زكــــــــ شان ـــي
مشرف متميز
صاحب الموضوع المميز
مشرف متميز   صاحب الموضوع المميز


Male
العمر : 18
عدد المساهمات : 3614
وين السكن : بالبيت
شنو الشغل : حديقة جبيرة
شلونه المزاج : زوين
تاريخ التسجيل : 2008-11-11
التقييم : 6

PostSubject: Re: اطوار الابوذية   7/4/2009, 04:58



جروحك للشمس يا كلب .. شرهن
وليالي الضيم ما ينحمل .. شرهن
الك عمري رهنتة بعد ..شرهن
اذا حتى عمر ما ظل اليــــة




شكرا اختي رفيف على هاي المعلومات عن الابوذية
تحياتي

_________________
تم الانتقال الى الموقع الجديد التالي

منتديات سوالفنة الحلوة
http://swalefnalhelwa.com/vb/

الرجاء التسجيل
تم الانتقال الى الموقع الجديد التالي
http://swalefnalhelwa.com/vb/

الرجاء التسجيل




Back to top Go down
مدير المنتدى
مدير عام منتدى سوالفنة الحلوة
مدير عام منتدى سوالفنة الحلوة
avatar

Male
العمر : 34
عدد المساهمات : 2073
وين السكن : اربيل - العراق الابي
شنو الشغل : اعلامي - بس مااكول وين ؟
شلونه المزاج : الحمدلله
تاريخ التسجيل : 2008-08-02
التقييم : 10

PostSubject: Re: اطوار الابوذية   9/4/2009, 22:21


يسلمو رفيف الحافظ..

سلامي لكل طاقم الاذاعة

_________________
تم الانتقال الى الموقع الجديد التالي

منتديات سوالفنة الحلوة
http://swalefnalhelwa.com/vb/

الرجاء التسجيل
تم الانتقال الى الموقع الجديد التالي
http://swalefnalhelwa.com/vb/

الرجاء التسجيل




Back to top Go down
http://swalefna.mam9.com
 
اطوار الابوذية
Back to top 
Page 1 of 1

Permissions in this forum:You cannot reply to topics in this forum
راديو نوا - اذاعة نوى - اذاعة نوى :: منتديات السوالف الحلوة :: منتدى برامج راديو نوا :: همسات دافئة-
Jump to: