ما نادم عليك ..........
صح موتي العطش بس مو حياتي الماي
شتلات التفيض المــــــــــــــاي يكتلهه
وأنه اوياي الشمس وامخاوي نجم الليل
بعد متمن عليّ بشمعـــــــــه تشعلهه
ما يفرق بعد دمع الندامـــــــــــــة اوياي
خذت نظرة ابقناعــــــــــــــه وما أبدلهه
زرعناهه سوه شتلــــــــــة حنان وطيب
ولكيتك من رحت يم غيــــــري شاتلهه
ذبلت وانتهت لتكَـــــلي شافت غيـــــم
ما أجزم واكَول المطـــــــــــــــر واصلهه
مشيت وما كَــلتلك بالدرب شيصيـــــــر
ونه امغمض مشيت وكَــــلت أكمّلهـــــه
كل عثره ابجرح حاسبهه بس ما كَــــــول
أضحك بالجذب وبروحـــــــــــي أسجلهه
غلات الي وفوا بعدال شـــــــــوف العين
اعيوني بغيرهم ما ترضـــــــــــه أكحلهه
والمثلك عماهه وكتل بيهه الشـــــــــوف
مو بيا الذنب وتريدنـــــــــــــــــي أحملهه
هــلّت شمعتك دمعة ندامه اعلــــــيــــك
شاعلهه الصبح وتكَـــــــــــلـــــي ما ذلهه
بمفتاحك أمس ينفتح بـــــــــــــــاب الروح
وبس إنته إعله إيدك جنــــــــــــت تقفلهه
غيرت القفل والباب نفـــــــــــــــس الباب
مفتاحك قديم اشلـــــــــــــــــون تدخلهه
ما نادم أبد..... شتلــــــــة غرامي اتعيش
وأحييهه بخلكَ لو وكتــــــــــــــــــي ذبلهه
للامانة الشعرية لا اعرف كتاب القصيدة
اتمنى تنال اعجابكم
تحياتي
30/12/2008, 08:09
